香港比較出名出售私讓鋼琴網站
facebook 二手群組、28hse、carousell、 yahoo拍賣，可以喺嗰啲地方放。
問題嚟啦！呢類平台未必有專業入士能夠精準地評估鋼琴嘅價值，私人買家亦都未必有呢方面嘅專業知識！再者，如果搵大型回收鋼琴公司，佢哋有好多專業師傅可以修復外殼，唔會因為部琴表面有凹有花而壓價。
(咁點樣先可以賣高D價?)
1. 私人賣家可以有幾伏？
交收
最好當然要買家自己搵搬運，先落訂，搬琴時付現金，不過顧客心態梗係唔想落訂，要你包埋搬運，搬到去佢嗰度至畀錢你。不過咁樣你會好麻煩，如果你搬到去，佢可能又話唔要。
要記住顧客好多時會霎時衝動應承你買琴，返到屋企諗下又唔想要，呢啲事經常發生，賣家專登請假等搬運搬琴，最後一刻買家又話唔想要隻琴，facebook常有呢啲賣家苦主post。私人買家沒舖頭，佢冇責任同你講信用。
2. 但如果買家親自上門睇琴，咁你又可以做啲咩防止比人無限壓價?
買家上門睇琴
-佢哋會帶調音師傅上嚟睇
-揾識演奏鋼琴朋友嚟試
-攞電話照琴身有冇花痕
-未必睇一次就會買
-約好你可能會甩底
-大刀手開天殺價
以上都係香港消費者心態，想賣好價錢，唯有當自己係7仔、m記，24小時貼心服務。
3. 唔係掛？賣琴都要提供貼心服務？！如果你冇留意調音問題 可能畀人壓低90%！
售前調音
買家上門試琴前先調音，因為私人用家比較奄尖，未調音就可能當隻琴有問題，不可維修。
售後調音
提供售後調音，搵一個自己信得過調音師幫個買家調音，因為如果對方自己搵調音師，而嗰個調音師又想做生意嘅話，佢會話你賣畀買家嗰隻二手琴有好多問題，跟住就sell佢自己啲二手琴，你就會畀人喺網上負評。
另外，鋼琴本身一啲嘅基本資料亦都不容忽視
4. 出面回收公司報價嘅時候只會問你牌子型號(model)、製造編號(serial no.)，乜仲有嘢要留意
内容
需要做下功課，搞清楚自己鋼琴年份、出產地，如果資料錯咗，可能畀人唱存心欺詐。最慘就係閣下嘅鋼琴係二手買返嚟， 你買之前已經被改model, serial no.已經被删改 (有啲鋼琴好離譜連牌子同產地都係假)，但係你又唔知post咗上網，結果畀人唱話呃人，再恐怖D畀人報埋警話你賣假嘢。
定價
基本上你打你自己隻鋼琴型號上網，你大概知道價錢幅度係幾多，你自己衡量心目中價錢。
當你萬事俱備，係時候影相放上網啦
5. 如果唔做事前準備，就算你用幾勁嘅影相設備影到部琴幾靚都好，你部琴最後都係會賣平左
鋼琴外觀
可以到五金舖買洗銅水, 擦亮銅製配件例如腳踏，用車蠟抹琴身，等到鋼琴睇起嚟新淨啲。
6. 你係咪求其影幾張相就算？
刊登相片
相片當然影得越清晰越好，需要打開頂蓋影內部影serial no., model no., 最好拆去上門板，但係請注意, 如果閣下鋼琴內部比較多塵、有生銹出現，必需要先處理，再影相。香港人最鍾意見到有塵、有生鏽就無限想像，聯想到有曱甴、有白蟻。
除左鋼琴外觀外，有冇諗過家居環境擺設等都會有影響？
7. 你係咪會將一堆雜物放喺琴頂上面？
家居整齊
私人用家好主觀，若然你間屋乾淨整齊啲價錢自然可以買高啲，佢哋唔會好似專業收琴商咁客觀睇隻琴。
鋼琴存放地方
再一次私人用家非常主觀，若然同一鋼琴放喺舊式公屋定半山別墅，價錢可以相差好遠，若然你想賣高過巿價的話就可能要靠富貴朋友幫幫手借地方。
結論
若然想賣給私人用家又想賣得高價錢, 你就要有以上貼心、細心服務， 亦需要承擔一定風險，佢哋唔會因為你唔係專業，而降低要求。遇上極品買家時，千祈要耐心，鋼琴賣唔出事小，畀人facebook公審就大鑊。
不過其實將鋼琴放畀有實力鋼琴回收商，價錢未必相差得遠，佢哋只要資料足夠、唔洗上門睇琴、試琴，一旦確定可以先落訂金畀你(pay me/支付宝/銀行轉數)，唔會臨時甩底，搬運時即付現金。
8. 點解唔搵我地，話比你知你部琴最高收購價係幾多？
悅聲琴行開業二十多年，自置物業經營，我們團隊回收超過1萬台鋼琴，一般24小時內就可以回收，現金到手。
信心保証: 自置物業經營，一般24小時內就可以回收-> 與其繼續擺喺道等運到，點解唔快啲賣出去唔駛擺喺屋企霸住哂啲位？// 現金到手: 與其擔心買家嚟到又反口最後決定唔買，點解唔搵間可以上門睇琴前已經比倒訂金你先嘅鋼琴回收公司?
仲等咩? 兩幅相whatsapp即報價